Ақ жұмыртқа, сары уыз боп ақталғым  келмейді, әрине. Асхат ағамыздың, өзіміздің Өрімталдың Қазақстанның әр өңірін шарлап, елдің блогқұмар телісі мен тентегін шарбыдай жалғап жүрген жанкештілігінің арғы мүддесі не екенін түсіне бермейді екенбіз, ә?!  Қазконтент дегенің блогшылардың арқасында әжептәуір сөз сойылдар, соны тақырыпқа соқа салар бір майдан, бір ауыл боп алғанын білмей де  қалыппыз-ау. «Ендеше, не жатыс!» дедік. Әлгі қазақ «Қайтқан малда қайыр бар!» деуші ме еді мұндай да. Барды малданып жүріп,  «мал құлағы саңырау» деп меңіреу қала жаздаппыз ғой аз-ақ қалғанда…Бұдан былай қатарларыңа қосылайық, рұқсат болса!  Менің блогымның ренессансы осы күні болсыншы!

Сайтани сайт жарнамасы қала ішінде толып тұр. Оны неге өшірмейді,а?

Қажы Амантай да Обамамен одақасқысы келедійтани

Жақында “Ретро” галереясында қарағандылық суретші Мәжит Байтеновтың жеке көрмесі өтті.  Мәжит Садықұлы 1976 жылдан бері Қазақстан суретшілер одағының мүшесі. Ол бірқатар халыралық, бүкілодақтық, республикалық көрмелерге қатысқан. Оның туындылары  Ә. Қастеев атындағы, Ж. Шарденов атындағы көркемсурет музейінде,  Астанадағы, Қарағандыдағы, Павлодардағы Мәдениет минитрлігінің көрме дирекциясында сақтаулы.  Мәжит Байтенов тарихты, түркі халықының салт-дәстүрінен хабардарлығының арқасында  өзінің туындыларында ол деректерді кеңінен қолданады. Мысалы, оның көптеген картиналарында Тамғалы тастағы бұқаның суреті салынған. Сондай-ақ Мәжит Байтенов ауыл тақырыбында жиі қозғайды. Алайда Байтеновтың шығармашылығының бір ерекшелігі ол өз кескіндемелерін авангардтық, абстрактілі стильде салады.

«Ана тілі» газетінде тілшіміз Рауан Сәбитұлының редакциямыз  орналасқан «Баспалар үйі» ғимаратының Гагарин даңғылы беткейіндегі темір дүңгіршекте шиіттей жеті баласымен сегіз жыл бойы қыстаған жалғыз  ана Тұрсынхан Дүйшеналиеваның тауқыметті тағдыры туралы бірнеше мәрте мақаласы жарияланған.  («Бәрібір тастамаймын Алматымды» /№7 ақпанның 15-і, 2007, «Алмалының» әкімі сөзінде тұрса екен/ №22 мамырдың 31-і,2007) «Бір мұсылманның баласымыз, қалың елдің арасында отырып,  Құдайға ақсарбасын айтатын көңіл жетер ағайын табылмайды дегенген сенгіміз келмейді» деп  жұртшылықты жалғызбасты анаға жәрдемдесуге шақырдық.  Басылымның қолынан келетіні осы.

Рас, осы мақаладан кейін Тұрсынхан апайға шамасы келгенше көмектесушілер табылып жатты. Халықаралық «Халифа Алтай» қорының  директоры Абдырахман Ескендір қақаған қыста аядай дүңгіршекте «шықпа жаным, шықпа» деп отырған Тұрсынхан апайға Қалқаман ауданынан үш айға пәтер жалдап берді. Жас әнші Аша Матай да теледидар сыйға тартып, аз-маз қаржы жиып беріпті. Алайда Тұрсынхан апай көмекті қалалық әкімдіктен күтіп еді.

Әкімдіктің есігін сағалағанда «Саған соншама баланы ту деген кім бар?» деген сөзді де естіртті,  «Осыдан Парламент мәжілісіне депутат болсам,  міндетті түрде жәрдемдесем» деп  құрғақ уәдені үйіп-төккен Алмалы ауданының  бұрыңғы әкімі Тұрар Асанов сияқтылар да көп болды. Қайсыбірін айтайық, әйтеуір өкіметтің қолынан келмеген қайырымдылықты Тұрсынхан апайға жақында бір мұсылман  іскер жігіт  жасапты.

– Әйгерім атты қыз бала келіп: «Менің бастығым сізге пәтер алып бергісі келеді» деп айтқанда өз құлағыма өзім сенбедім. Кейін Гүлмира деген әйел  Ақсай ауданынан 80 мың долларға екі бөлмелі пәтер сатып алып беріп, бүкіл құжатын реттеп берді. Ал әлгі қайырымды жігіттің атын ақыры біле алмадым. Бар білетінім, Алматыда фирмасы бар екен, өзі жетім өсіпті,– дейді Тұрсынхан апай қуаныштан кемсеңдеп.