Туған күн бе, “қуған” күн бе немесе өзін Билеуші Пайғамбар -Президент атаған Балтабай Рахымжанов кім?

Жұртты бабаларының басына апарамыз деп әруақ мазалап, бейiт басын бизнес көзiне айналдырған «Ақ жол», «Ата жолы» дегендердi естушi едiк.

Әл-Фараби даңғылынан 68-шi бағдарлы автобусқа отырып, «Баба бүгiн қуанатын болды, ұрпақтары көп жиылып жатыр!» деп жамырасқан кәрiсi бар, жасамысы бар он бес шақты кiсiге iлесiп, Ремизовкаға (қазiргi Қарасай ауданы, Ерменсай ауылы) қарай әулие Қажы Баба дегеннiң зиратына бет алғанда маған «бұл да аты әйгiлi «жолдардың» бiреуi болды-ау» деген ой келдi.

Тепкiшекпен жоғары көтерiлiп, төбенiң басына шықтық. Елу-алпыс адам жиылып қалыпты. Осы жердiң шырақшысы болса керек, Әдiлжан деген бiреу самбырлап Қажы баба мен оның «мирасқоры» Балтабай Рахымжанов туралы баянын бастап кеттi.

Сөз сәулесі.

 ”Алматы ақшамы” газетінің соңғы аптадағы нөміріне Бас редактор, бәлки  кісілік тұрғыдан баға берсек, редакторлықтың қыр-сырын меңгерген сақи редактор Қали Сәрсенбай күнделігіне жазған ойларынан үзінді беріпті. Құмарта оқып шықтым.  Біле-білгенге  танымдық әдебиеттің-интеллектуалдық прозаның жұрт жүрегіне тура жол тартар бір түрі бұл. Сондықтан да Қали ағаның қазынасын сіздермен де бөлісуді ұйғардым.

 

 

•  
  • Өз елінің атағынан, марапатынан  бас тартуды ерлік санайтындар бар.  Егер еңбегім  сіңіп жатса маған өз елім, мемлекетім ағаш медаль  берсе де алар едім.  Өйткені ол менің елімнің, тәуелсіз елімнің наградасы ғой.  Егер әлгі бас тартқандарға, бәлкім,  қазіргі атағына қанағаттанбайтындарға “Халық қаһарманы”  атағын беремін десе, әжептәуір ойланар еді.

 

•  
  •  Әйелдің еркекпен алысуын түсінуге болады, ал, еркектің әйелмен алысуы қасірет қой.
  • Тіліңді білмесең, өмірбақи тіліңді тістеп өтесің.

Жанармай стансасындағы төрт күн

Менің “Ана тілі” газетінде бірге жұмыс істейтін досым – Мәди Бекмағанбетов  Қарағанды облысының, www.karaganda-region.kz Балхаш қаласынан. www.balkhash.de  Ол бірінші курсты Қарағанды қаласындағы Евней Букетов атындағы Қарағанды мемлекеттік университетінің журналистика факултетінде оқыған. www.kaz.ksu.kz  2007 жылдың қысында біздің топқа қосылды. Алғашында бір-бірімізді танымағаннан кейін алыстан араласып жүрдік. Бірақ көп ұзамай ол бәрімізбен достасып кетті. Қазір ол республикалық ұлттық апталық “Ана тілі” газетінде істейді. Мәди журналистік қызметіне кіріскелі оған “Түнгі қала ұйықтамайды” деген айдарды жүргізуді тапсырылған. “Жас келсе – іске” дейді қазақ мынау соның бір көрінісі.

Жанармай құюшының жұмысын табу маған соншалықты қиын болмады. Жарты миллионнан астам көлiгi бар қаламызда жанармай стансалары жетерлiк. Сондықтан жолшыбай кезiккен бiрiншi стансаға бас сұғып, жұмыс сұраудың амалына көштiм. Кассадағы талдырмаш келiншек:

— Өзiңiзге ме?– деп таңырқай қарады.

— Иә, – дедiм сәл сасыңқырап қалып, сiрә, мен сияқты мұнтаздай болып киiнiп келiп, жанармай құюшының жұмысын сұрайтындар сирек болса керек.

Сары далаға сағыныш немесе суретші Алпысбай Қазығұловтың шығармашылығынан бір үзік сыр

“Көш” деп аталатын мынау суретке қарай отырып, баяғы аттың жалында, түйенің қомында жүріп,  ешкімге ұқсамайтын ерекше мәдениеттің иесі болған бабаларымызды еске түсіреміз. Біздің түп-тамырымыздан айыру үшін Патшалық Ресей мен Кеңес Үкіметі алдымен осы көшпелі тұрмыс салтынан айырды емес пе? Сарыарқаның төсіндегі салқар көш, әзірге, тек ностальгия ғана. Бұл суретті салған қазақтың талантты суретшісі Алпысбай Қазығұлов-1958 жылы Қызылорда облысында, Арал қаласында балықшылардың жанұясында дүниеге келген.  1980 жылы Абай атындағы Қазақ педагогикалық университетінің көркемсурет-графика факультетін бітірген. Жастайынан Қазақстан Суртшілер одағының мүшесі болды. Ол Қазақстандағы абстракция және сюрреализм бағытында салатын атақты суртшілердің бірі. Шығармаларын Шыңғыс Айтматов, Патрисия Каас, Диана ханшайым сатып алған. 2003 жылы Бейнелеу өнеріне қосқан зор үлесі үшін Чехияның бірінші президенті Ян Масарик атындағы сыйлыққа ие болды. Ал жақында Алпысбай Қазығұлов өзінің жеке сайтын www.kazgulov.kz ашты